台語01-17

001 牛墟 （hi） //紀傳洲（18/04/07thk改寫） 古早，牛是台灣人上重要的作穡（tsoh-sit）伴，牛會犁田、拖車、駛石碾、挨塗壟 （e-thôo-lâng）…便若較粗重的空課攏愛伊鬥做。伊攏是恬恬仔搰力（kut-lat̍）去做， 予（hōo）人真感心。這種性嘛真成（sîng）咱台灣人，毋才講咱是「台灣牛」。 買牛愛去佗位掠--呢？牛隻買賣的所在號做「牛墟」。佇三、四十冬前差不多各地頭 攏有，較出名—的有彰化寶斗（北斗）、雲林北港、台南善化佮鹽水、高雄岡山。這 幾庄是嘉南平原交通較利便的大庄頭，牛的買賣有較濟。進入工商社會了後，機器（hâi） 代替耕牛，牛煞（suah）愈來愈少，牛墟生理愈來愈bái，就一跡一跡關關--起來，tsit-má 看會著--的，差不多賰（tshun）北港牛墟爾爾（niā-x）。 北港出名媽祖婆，每年香客上千萬，人來客去濟kah若魩（but）仔魚，鬧熱時是人揳 （kheh）人，按呢毋才北港街仔的特產行滿滿是。有名的是麻油、塗豆油、新港飴（î）。 北港牛墟也才（tshiah）無予人giat-láu 捙畚斗（tshia-pùn-táu）--去。 牛墟是佇北港大橋跤，逐（tak̍）個月的三、六、九開市，三工開一擺，一个月有九市。 開市彼工，各地牛販仔共牛載來遮（tsia），到七、八點，人愈積愈濟，買牛的、賣 牛的、看鬧熱的、做生理的，唅牛嗎嗎叫的聲，規牛墟沖沖滾。 想欲掠一隻粗勇有牽挽（bán） 的牛，無遐呢簡單。買的愛相hoo真，聊聊仔看，勻 勻仔揀。代先，共手伸入去牛喙內，喙齒愈濟牛愈老。閣來看生張，bái牛厚毛、瘦牛 厚骿（phiann）骨，皮光滑、肉結實，跤腿粗牛蹄圓閣厚。看牛的行踏，蠻牛厚屎尿， 若有抽才 有行，這種牛做空課袂（bē）合軀。 上尾是考車，這是對牛上大的考驗。拄起頭，叫逐（tak̍）个起--lih牛車坐，規車疊kah 滇洘洘（tīnn-khó-x），閣共（ koh kā） 牛杙仔（khit̍-á） 插佇咧車輦（lián）縫， 予車輦（lián）袂輪轉，這陣牛販仔籐條揭（giah̍） 懸懸（kuân-x），大力摔（sut） 牛，無論坐車頂抑是圍邊仔看--的，攏配合牛販仔的籐條頭，合齊喝（huah）聲，共 牛鬥催，喊（hiàm）伊出力拖。這會當試出牛的力頭佮耐性。也有現場犁田、校（kah） 車。買賣雙方若有佮意，就現交錢，會使現共牛牽--轉去。 細漢的時，規群囡仔相招去牛墟 tshit-迌，彼陣有賣牛佮牛車用--的農具、穿--的、食 --的，也有拍拳頭賣膏藥--的、講譀（hàm）古--的，牛墟真鬧熱，聽講生理上好的時 陣，一工會當賣幾若百隻牛。 第 1 頁，共 45 頁 猶會記得有一个講譀古--的，共阮這群囡仔講過一个（ê）笑話，伊問講：「囡仔兄， 囡仔兄！恁知影北港溪下爿（pîng）彼庄是啥乜（mih）庄頭--無？」 阮相爭應講：「啥人毋知是六跤殿！」 伊講：「六跤殿無毋著，啊六跤殿的東爿（pîng）彼庄--咧？」 阮講：「是新港--啦！」 講古--的才開始講：「著--啦！就是新港。新港庄有一个（ê）中年人，唅厝邊同齊， 各人擔一擔番藷來北港賣，番藷賣了--矣，行過查某間，看著姑娘生做媠（suí），予 （hōo）人 招--入去，錢煞開了了，到中晝，腹肚真枵 （iau），無奈何（ta-uâ）落 去北港溪捧水啉（phóng~lim）。 到e-晡轉去厝--裡，某問--伊：『你食--未？』 伊細聲細聲講：『有--啦，有食一粒肉粽。』 同伴攏真奇怪，問--伊：『啊明明就無看你食，你哪講有食？』 伊講：『煞毋知三捧水抵（tí）一粒肉粽額。』」 予（hōo）阮一群囡仔笑kah東倒西歪。 （約 1100字 ） 第 2 頁，共 45 頁 002、003 青盲抑是愛睏 ─寫施並錫（sik）的畫 //陳明仁 （14/04/07thk修） 真久無轉去庄跤（kha），趁過年有幾工閒，轉去故鄉彰化二林散心，去田頭仔散（sàn） 心，也倒佇拋荒的田園草仔頂曝（phak̍）日頭，無意中看著厝邊兜（tau）的囡仔共 （ kā）牛牽--出來，我想講都也真久攏機械（hâi）化--矣（ah），按怎有人閣（koh） 咧駛牛？問牽牛的囡仔兄，伊笑我變都市人仔，煞 （suah ） 毋知農事作穡（tsoh-sit） 代。 彼隻牛也無拖車，也無拖犁掛手耙（pē），哪有成欲（beh） 駛的形？閣講看彼隻牛， 佇日頭跤，目瞌瞌（kheh-x），毋知已經青盲抑是咧愛睏，看--起來閣老硞硞（khoh-x）， 欲哪會有力通（thang） 做空課（khang-khuè）。 飼牛兄的話予（hōo）我歹勢（pháinn-sè） 閣感動，台灣自來是農業國度，播田、插 甘蔗，牛提供主要的勞動力，反塗（píng-thôo）、犁田、袚壟 （phuah̍-lîng）、拍碌 碡（lak̍-tak̍） 、拖車、拖石磨…毋管水牛抑是赤牛，攏用一世牛的性命奉獻佇這塊土 地，才有法度建立台灣的農業基礎，進一步用這款經濟力發展工業，造成今仔日台灣 社會的經濟，論功行賞，牛應該是第一功勞者。 幾擺出國，常在（tshiâng-tsāi）聽人講：「台灣人是野蠻人，食銅食鐵，有毛的食kah 簑，無毛的食kah秤錘，啥乜（siánn-mih） 死人骨頭都有人食。」用按呢恥笑台灣人。 我共伊講「台灣真濟（tsē）人無食牛肉。」對方應講「牛肉是現代人的主食（sit̍）， 台灣人毋食牛，表示台灣是落伍的民族。」我講：「台灣人感念牛對阮的貢獻，不忍 心食伊的肉。」；對方講「這陣無咧駛牛，閣講咱食的牛是肉牛，佮（kap）水牛無 關係，台灣人連這款智識都無。」 我實在無欲閣應話，台灣人嘛知這種道理，總--是想著牛對咱的功勞，無論啥乜（mih） 牛，攏毋甘共伊食，這款感恩知報的心，毋是其他民族會得理解--的。 規个庄跤攏用機械（hâi）耕作，運輸也攏有車輛，牛已經退休，真濟人攏閣飼牛，牛 老硞硞佇草埔食草，溝仔邊啉（lim） 水，日頭跤（kha）散步，樹蔭（ńg）歇（hioh） 睏，目睭瞌瞌（kheh-x），毋知是青盲抑是咧愛睏，總--是佇台灣流落汗水了後，伊 有資格予人共（kā）伊尊重、敬拜。 我告辭飼牛囡仔佮牛兄，佇黃昏的故鄉，沿一條予塗埋--去的牛車路，那行那想，有 一工，我所做的台語文空課（khuè）若有成就，我也欲轉來去故鄉養老，目睭瞌瞌佇 故鄉的田園，親像我一首歌所寫—的： 第 1 頁，共 45 頁 牛車路，溝長長，想欲相借問，你嚶嚶uai̍nnh-uai̍nnh 會當（tàng）行偌遠，kám 會 行過阮故鄉的田園？白翎鷥，跤長長，kám會飛過阮故鄉的田園？ （約 750字） 第 2 頁，共 45 頁 004 阿海伯tshuē新娘 //黃子慧 口說--陳憲國 整理（04/07thk改寫） 阮厝邊tuà一个老阿伯，歲頭差不多有七十幾歲，街頭巷尾逐（tak̍）家攏叫伊一聲阿 海伯。 這个阿海伯生做不止老古錐（tsui），頭毛白白，喙鬚白白，連目眉嘛白白，ká-ná親 像布袋戲尪仔內面的怪老子仝款。阿海伯每工都笑咪咪（bi-x），佮（kap）厝邊一寡 老同姒（tâng-sāi）開講閣唱山歌，抑（iah）無，就是三不五時仔跔（khû）踮厝 面頭前，看來看去，看過路的媠（suí）姑娘。 有一擺我閣看著阿海伯跔佇厝頭前，目睭瞇瞇（bui-x），喙（tshuì）開開，踮遐（hia） 相來相去。我就問阿海伯講：「阿海伯，啊你是咧看啥乜（mih）？」阿海伯應我一 句話，講：啊我都看媠姑娘仔啦！」我聽一下掣一趒（tshuah~tiô），叫一聲：「阿 海伯，你頭毛喙鬚白，老硞硞（khok-khok）矣，猶閣想欲佮人娶媠某--噢？」阿海伯 聽一下，差一點跔袂在，講：「我是欲佮人娶啥乜（mih）某？我是咧替阮彼个ban （ban）仔囝（kiánn），相未來的新婦（sin-pū） 啦！」 原來阿海伯有一个的ban仔囝（kiánn），三十幾歲，閣猶未娶。我共阿海伯講：「阿 海伯，啊你相佮意kám有效，恁後生無一定佮意啊！」阿海伯就哈哈笑兩聲講：「阮 彼个後生（hāu-senn），人古意閣兼閉思（pì sù），我若佮意伊就無問題，人查某囡 仔，有佮意無佮意才是問題--啦。」阿海伯又閣講：「嗨！阮後生啊！大箍（khoo） 好 看頭，有啥路用！三十幾歲，娶無某，閣交無女朋友！」我講：「阿海伯，你共（kā） 伊講，交女朋友，簡單啦，秘訣就是：一--錢（tshiân）、二--緣、三--媠、四--少年、 五--好喙、六--敢跪、七皮、八綿瀾、九強、十敢死！」阿海伯撚（lián）喙鬚講：「想 袂到，你這个查某囡仔人烏矸仔貯豆油--- 無地看--噢。」 落尾，聽講阿海伯的ban仔囝（kiánn）訂婚，娶媠某，我心肝內就咧想，阿海伯的ban 仔囝（kiánn），絕對是共我教伊的撇（phiat）步盡展，抑（iah）無伊彼个低路師 （kē-lōo-sai）哪有可能遮呢緊就娶著媠某--咧！（約630字） 第 1 頁，共 45 頁 005 芎蕉王國 －－旗山 //林文平（04/07thk改寫） 高雄縣分做鳳山（hōng-suann）、岡山（kong-san）、旗山（kî-san）三大地區﹐三 山鼎立﹐分別領管其它各鄉鎮的政治佮商業活動。旗山就是美濃、六龜、甲仙… 等九 鄉鎮个「經貿中心」﹐也會使講是高雄內山九鄉鎮的門口埕。這九鄉鎮的鄉民若欲出 入高雄市﹐一定愛對（ uì）旗山經過﹐可見旗山佇地理上是偌仔重要--咧。 旗山舊名蕃藷寮﹐聽講古早个時有一个老阿婆佇路邊塊賣蕃藷箍湯﹐因為生理袂 bái﹐ 人愈倚愈濟﹐漸漸變成一个市仔﹐尾仔，搬來遮徛（tsia khiā） 起的人愈來愈濟﹐煞 變做一个庄頭﹐毋才（m̄-tsiah）共遮號做蕃藷寮。日本時代﹐一寡（kuá）仔地方的 讀冊人感覺蕃藷寮歹（pháinn）聽﹐要求日本人改名。尾仔，才用在地上懸（kuân） 山--- 較早台陽八景之一「旗尾山」（kî-bué-suann，）的名簡稱，共伊改做「旗山」。 咱若對高雄入 --來﹐經過嶺口了後﹐四界都看會著葉仔大phuè大phuè的芎蕉欉 （kin-tsio-tsâng）﹐因為遮的氣候佮塗（thôo）肉攏真好﹐百外冬來，種芎蕉就是旗 山人上重要的農業活動﹐根據統計﹐旗山種芎蕉的面積會使講是台灣上大的。旗山人 從來就毋捌（bat）拍爽（phah-sńg）任何的一塊地﹐毋管是厝前後壁﹐若有空地仔﹐ 芎蕉欉一定會出現。聽講芎蕉的品種百百款﹐但是旗山生產的佮（kap）別位的無仝 （kâng）﹐所以日本人特別佮意旗山的芎蕉。幾十年來旗山的芎蕉為咱台灣趁袂少外 匯﹐也予（hōo）真濟旗山人趁著大錢。 旗山街仔的亭仔跤（騎樓）是足特殊的﹐彼差不多是成百年前開始起的。旗山人利用 旗尾山跤的溪埔所生產的大石頭﹐共（kāi）伊切割做一塊一塊的石鼓來做材料﹐起造 圓拱（uân-kông）型的亭仔跤﹐提供出外踩街、款貨的人客覕（bih） 風遮（jia） 雨 的所在。因為規條街仔攏是仝款的建築﹐留到今仔日煞變成真有歷史佮觀光價值的文 化遺產。毋閣﹐有真濟亭仔跤因為年久月深﹐倒的倒﹐重起的重起，一半較加化的文 物攏無法度繼續保存--落來，實在真無采。 佇旗尾的旗山糖廠﹐早期負責收買鳳山、旗山地區各鄉鎮的甘蔗﹐一、二十年以來﹐ 因為製糖事業敗--落來﹐糖廠煞沓沓仔（tau̍h-x-á）失去伊的光彩﹐毋閣載甘蔗的五分 仔火車一直攏是逐（tak̍）家上懷念的物件。五分仔火車對旗山糖廠駛出來了後﹐經過 楠梓（lâm-tsú）仙溪的鐵橋入來到旗山庄內。因為早期交通真無利便﹐五分仔火車攏 會順紲（sīn-suà）掛一兩節仔車廂抾（khioh）人客﹐所以旗山街仔就有一个火車站。 雖然火車已經佇1982年停駛﹐鐵枝路嘛攏拆掉--矣﹐但是車站到今猶閣保存kah足好 勢﹐恬恬（tiām-tiām） 咧為旗山的歷史做見證。 （約740字 ） 第 1 頁，共 45 頁 006 阿母去讀健康大學 //林文平 （10/04/07thk修） 咱台灣細罔細，趣味的代誌原仔（uân-á）真濟，像阮阿母食到七老八老，tsit-má嘛 佮人時行咧讀大學，毋閣人伊這是坐直升機保送--的噢！因為阮阿母定定（tiānn-x） 講伊國民學校讀六冬，也毋捌（bat）人一塊屎礐仔枋（sái-hak̍-á-pang），莫（mài） 講大學--啦，就算講彼號拄仔（tú-á）開始咧教ABC的中學，用錢倩（tshiànn）伊來 讀，伊仙嘛毋敢。但是，人伊tsit-má逐（tak̍）工都歡歡喜喜欲『上學去』。你看，阮 兜灶跤櫥仔頂遐（hia）的健康牌沙拉油，佮浴間內底遐（hia）的茶箍（tê-khoo:香皂 ），就是伊逐工全勤兼無遲到的獎品。 彼工中晝，當阮庄裡的oo-ba-sáng（婦女）攏咧睏晝的時，忽然間，放送車傳來一陣 仔一陣會予（hōo）遮的 ok-sàng（中年婦女之意 ）歡喜的聲音：「e-晡逐家睏hoo 飽，相招來廟埕，日本『鐵力多律』（the-li-tóo-lih）健康事業公司，欲佇貴寶地土 地公廟口，做新產品發表會，阮有準備好禮欲相送，請逐家阿母招阿姨，隔壁招厝邊， 三步做兩步行，免緊張、免驚惶……。」無偌（juā）久，阮隔壁嬸仔電話就giang-- 來，阮阿母佮伊一句來一句去，有講有笑，一目nih 煞無看見人影矣。 兩點鐘後，阮阿母手捾（kuānn）一罐沙拉油佮兩塊茶箍（香皂），沿路唱歌沿路行 --入來，袂輸若抾（khiò）著金仔--咧，阮阿爸看--著，講：「啊無，你是咧著猴--是 無？」阮阿母共伊應講：「eh！恁某今仔日替你趁一罐沙拉油猶閣遮（tsia） 兩塊茶 箍呢！」阮阿爸心內真懷疑，講：「騙siáu 的！天跤下呔（thài）有彼號食無料--的， 你就毋通貪心趡（nǹg） 雞籠--噢！」阮阿母講：「我才無咧像阿花仔遐戇（hiah gōng） 閣，予人按呢一下鼓舞，就提一千共伊買健康手環，講啥乜（mih）比市價閣較俗八 百箍，彼明明就是歹銅舊錫嘛！」阮阿爸共伊應講：「知影就好，你目睭就擘（peh） 較金--咧hânn！」 隔轉日，當阮規家伙仔攏咧看電視的時，阮阿母縖（hâ） 一條比『超人』閣較大條的 腰帶，佇阮逐个（tak̍-ê）的面頭前展啊展，阮阿爸頭幌（hàinn）一下，講：「戇查 某！」阮阿母講：「無啊！你是咧幌啥乜（mih）頭啊？這是健康腰帶呢！市面上至 少著愛四千箍呢，我共伊出價，兩千五就買--著矣，我腰痠背痛tsit-má有救--矣啦！」 阮阿爸頭仝款一直幌，尾仔講：「好啦！這就準做是你上健康大學的學費啦！」。 （約720字） 第 1 頁，共 45 頁 007 賣餅筆記 //林保鐘 （約700字；10/04/07thka修） 逐（tak̍）工e-晡兩點，我攏去排擔仔賣餅，若無遲宕（tî-tōng）--著，差不多兩點半 較加就有餅通賣。 我擔仔的對面是一間銀行，不時攏有提款、存款的人咧出入，真鬧熱。出出入入的人 是五花十色，拄著仔嘛會看著駛 bián-juh（BENZ）、穿西裝、結油食粿的人。我斟酌 （tsim-tsiok） 共（kā）伊看，發現銀行的服務員對遮（tsia）的人特別好禮，因為逐 擺（tak̍-pái） 攏笑咪咪共送到位。 我的擔仔後壁，有一間義民廟。這間廟拄仔好提供一寡仔逐日閒so-so，無代誌通做的 人一个集會場所。廟無kài大間，前廊的正爿（pîng）囥（kǹg）一塊長桌仔佮幾條（liâu） 椅仔，倒手爿（pîng）嘛囥一个害膨椅，不時都會看著一、兩的人佇遐（hia）開講， 有當（tang） 時仔有人睏佇椅條頂，有人戇神戇神坐佇害膨椅，我想講實在有夠好 命，我逐工拚kah大粒汗細粒汗，逐工都閒仙仙。 有一工天氣真寒，有一个羅漢跤（kha）仔睏佇害膨椅面頂，膨椅跤有三、四个空米 酒矸仔，伊kan-na蓋（kah）一領薄薄的被單，看伊的跤真有規律咧咇咇掣（phī-x tshuah），一定真寒。我看著這款情景，心嘛綴 （tuè）伊寒--起來！彼个人無某無猴， 一个人飽就規家伙仔飽，想欲渡一下仔三頓，小可拚一下，應該無問題，伊煞欲食毋 討趁，甘願過這款的日子，講起來真了然。 「頭家！燒的餅買兩塊」一个人客的叫聲共我扭轉（giú tńg）來現實的生活。 「欲摻胡椒--無？」 伊笑笑仔揕（tòm） 頭。佇伊咧等餅的時，阮開始講（káng）--起來，伊問講：「頭 家！你的餅呔（thài）會缺（khih）角，別人賣--的毋是攏圓的？」 「你kám遐呢（hiah-nih̍）注重餅的形？」伊搖頭講「無--啦。」我閣紲（suà）落去 講：「這（tse）號做『開口笑』啦！圓的代表團圓（thuân-înn）、圓滿（uân-buán）， 這是真好，但是世間事總無法度逐（tak̍）項攏遐（hiah）圓滿。咱共餅留一个仔缺角， 就表示世間事毋是逐項圓滿的，人著愛笑笑仔來面對。這也表示一種希望，希望有一 工咱的努力會共缺角補--起來，咱的願望會閣較圓滿。」伊用欽佩的眼光共我看--一下， 忽然間予（hōo）我感覺佮人客接接（tsih-tsiap），有時會當予我的生活變kah足實在 的。（約680字） 第 1 頁，共 45 頁 008 阿瑤（iâu）班長 //玉鳳（04/07thk改寫） 阿瑤是我小學時的 班長，嘛是彼陣偷偷仔欣賞的對象。伊生做真古錐嘛古意，袂（bē） 創治查某囡仔（gín-á），嘛袂欺負同學，乖嘛真gâu讀冊，老師攏真惜-伊。有幾个查 poo同學會食醋，有時仔會共伊欺負，毋閣，阿瑤班長攏會忍--落來，無佮計較。 我讀的小學，逐（tak̍）年攏kan-tann「忠、孝」兩班爾爾（niā-x），六个年級攏總 才12班。阮有一个傳統，就是仝姓讀仝班，親情（tsiânn）的囡仔攏會讀仝班。阮彼 班有幾个大姓--蔡、游、吳、鄭、林，逐个是親情，對同學的家庭背景攏真了解。 阮班的麗琴是阿瑤班長的親情，閣tuà佇仝一个竹圍仔內底。三年仔的時，有一擺聽著 麗琴講，阿瑤班長無媽媽，阿母佇伊細漢的時就死--矣。彼陣，我就開始同情班長 的遭遇（tso-gū），逐年母親節做剪絨（jiông）仔花的時，我就感覺阿瑤班長真可憐。 麗琴講：阿瑤班長放學了後愛煮飯、燃（hiânn）水、洗衫，阿爸咧飼豬，無時間 煮飯予（hōo）伊食。阿瑤班長毋捌（bat）紥便當來學校，中晝歇（hioh）睏時間， 伊攏行路轉去食飯，食飽才閣行路來上e-晡的課。阮遮（tsia）的同學無人去過班長 兜，班長嘛毋捌（bat）去其他同學厝裡tshit-迌。 阿瑤班長真恬，無愛講話，逐个毋才攏會共伊創治，舞kah予伊笑抑是予伊受氣才放 伊煞 。麗琴佮班長tuà上近，同學就共兩人「捒（sak）做堆」。麗琴活跳閣愛講話， 佮阿瑤班長的個性天差地咧，同學若共伊創治，伊嘛無人法度，kan-na會當不時較警 覺--咧，佮阿琴仔離較遠--咧，較免予同學講閒仔話。 印象上深--的，是阿瑤班長無論好天抑（iah）是落雨，攏穿一雙黃靴管（hia-kóng）， 另外閣紥（tsah）一領黃雨幔，頭殼戴一頂柑仔色的破學生帽仔，連體育課拍球，伊 嘛仝款穿靴管，實在真心適。 小學畢業典禮，阿瑤班長領著縣長獎、鄉長獎佮村長獎，領著真濟獎品轉--去。彼陣 我領著品德獎，獎品是一本相簿。小學畢業了後，阮厝tuà 佇庄尾，佮其他同學無讀 仝一間國中，閣來就無機會閣見著阿瑤班長--矣。閣見著伊，是14冬後的同窗會。 其 實 阮 彼 班 有 辦 過 幾 擺 同 窗 會 ， 毋 閣 我 攏 無 參 加 ， 一 直 到 我 共 台 北 的 空 課 （khang-khuè）辭掉，轉去故鄉tshuē頭路，彼年，咱人正月初三的同窗會，我去參 加，毋閣彼擺阿瑤班長無來。食飯的時，我好玄（hònn-hiân）問講：「班長哪會無 來？」坐隔壁的麗琴講：「阿瑤破病，無法度來參加。」阿琴繼續講：「班長做兵的 時，佇兵營內底予人欺負kah真忝（thiám），伊攏無報告予頂司知。後--來精神就失 第 1 頁，共 45 頁 常失常，兵猶未做煞，部隊就共伊送--轉來，講伊佇部隊內底起痟（siáu）矣，規工踅 踅（seh̍-x）唸，無人知影伊咧講啥乜（mih）。」 「哪會按呢？」 「班長一定是傷（siunn）忝矣，人閣傷（siunn）古意，佇部隊內底一定予人蹧躂 （tsau-that）kah毋是款！」其他做過兵的查poo同學攏替阿瑤咧不平。逐（tak̍）个 心內攏真怨嘆，一个拍拚、古意的少年人，人生的前途就按呢予無人性的軍隊暴力害 害--去。（約960字） 第 2 頁，共 45 頁 009 竹管仔飯 //洪錦田 （04/07thk改寫） 咱逐（tak̍）工咧食用碗貯飯、食便當，誠（tsiânn）罕得食竹管仔飯。 竹管仔飯上kài時行的年代，是阿本仔時代，彼當陣物質缺限（khueh-hān），會當 （ē-tàng）食白米飯是久久仔才有一遍；貯（té）佇竹管仔飯的量是真少，臺灣人粗 作粗食，白米摻（tsham）蕃藷簽是足四常--的，逐（tak̍）工作穡（tsoh-sit）都無閒 tshih-x，哪有彼號美國時間咧變遐（hia）的碗糕齣頭？ 聽講竹管仔飯是原住民佇豐年祭典的時，煮來招待外位仔來的人客；抑（iah）是講予 （hōo）囡仔去行遠路頭，到他鄉外里去討趁、去讀冊，做序大人--的攏會煮幾筒仔予 紥咧通食用；這款的竹管仔飯，就親像tsit-má的便當，猶閣另外加一種竹仔味佮山 內人的口味。 做竹管仔飯的步數，有淡薄功夫佇--咧；代先是秫（tsu̍t）米洗清氣浸水，浸kah米心 漲大才共伊撈（hôo）--起來，紲--落去ka濫一寡香菇、肉絲、蝦米、豆油....遮（tsia） 的配料，若是講欲食較鹹tānn--咧，加下寡鹽抑是豆油；閣來，先共遮的料抐抐（lā-x） 予伊齊勻（tsiâu-ûn），才共伊囥踮鼎--裡，下寡水濕濕炒予伊半熟，尾手才灌入去竹 管仔內。竹管仔猶未囥米料的時，定著愛用水tshik̍ 予伊清氣，了後才共伊灌入去5分 之4的量，予伊lang-x 仔，賰（tshun）5分之1通予（hōo）伊透氣，完成了後才閣用 竹葉仔搵澹（ùn-tâm），共伊窒（that）對灌米口。 一管一管的竹管仔，灌米灌好勢，就會當用火開始炰（pû）--矣，炰欲四、五十分鐘 久，炰kah竹管皮臭火焦（ta），米的芳味走--出來，按呢就差不多欲熟--矣；紲--落去 用火尾閣烘一搭久仔，予伊水份較收束--咧，芳味攏衝衝（tshìng-x）--出來，按呢就 聽好（thíng-hó）食--矣。 欲食的時，用柴刀共臭火焦的所在剾剾挕捒（khau-x-hìnn-sak），才剖開竹管仔；這 个時陣，好料的佮芳味攏看會著、鼻會著，囥佇眼前的物件毋食才是戇--咧，隨人欲 食胡蠅家己hop--啦。 烘熟的竹管仔飯，規支像飯條，外皮閣有一層薄厘絲像甜粿紙透明的竹膜（mo̍h）包 牢--咧；而且閣有一款真鮮尺（tshinn-tshioh）的竹仔味摻米芳味，親像籠床炊米糕彼 款味，會予人足想欲用箸ka 托（thuh）一喙來食看覓（māi）--咧。 烘好的竹管仔飯，平時仔囥咧成禮拜，若摻一寡配料，會當擋欲kah一禮拜外外外； 這項竹管仔炰食的山地文化，佇阿本仔時代誠時行。啊毋閣現此時，便當菜四界攏買 第 1 頁，共 45 頁 會著，便當煞共竹管仔飯摃死--去。像這款古味十（tsap̍）足的工藝，亦沓沓仔（tau̍h-x-á） 失傳--去矣，這項食的文化煞變成祭典的稀罕品；目前猶有咧做這款的物件，ká-ná 賰 （tshun） 無幾口灶--矣；有聽人咧報，報講阿里山 鄉塔山山峰群下跤的豐山村，有 幾間仔鄒（Tsoo）族的原住民，猶閣會曉這款芳閣khiū 的山地「竹管仔飯」。 （約850字 ） 第 2 頁，共 45 頁 010 我的作穡（tsoh-sit）經驗 //吳正任 （04/07thk改寫） 「查某人浴桶」，欲臆 一个地號名，足濟人千（tshian） 想都想無，我細聲仔共恁講： 「水雞潭」。若有學生問--我：「老師，你徛佇佗位？」我攏會用粉筆寫踮（tiàm） 烏 枋（pang），無--者，學生會掠準我講（垃圾話）『髒話』，正經講，我出世的所在， 地號名就號做「水雞潭」。 50年代，佇阮故鄉差不多百分之99 厝裡攏是作穡--的，賰（tshun）的 一戶可能就是 外地搬--來的「自由業」：教冊的老師抑是退伍的老芋仔，抑若無，就是毋知對佗（toh） 位來阮庄稅厝徛的「赤跤醫生仔」，總講一句，外位搬徙--來的，一下看便知，毋但 （m̄-nā）腔口無仝，嘛做無仝的頭路。 出世佇草地，庄跤囡仔若講無作穡的經驗，彼是騙--人的，特別是拄著厝--裡空課太無 閒的時陣，國小學生欠席走學仔的代誌，逐（tak̍）工都咧發生，作穡人家庭，爸母有 受過教育--的本來就無濟，毋知影讀冊是好物，拄著割稻仔抑是播田、落園、摒（piànn） 番藷…，需要足濟跤手的時，厝內大細攏齊出動，農村子弟平常時仔著愛共厝--裡鬥 跤 手，看牛、割草、剉 柴、照顧小弟小妹，偏偏佇農村無「家庭計劃」的觀念，會 生生kah袂生，毋是生五、六个就是七、八个，家庭閣普遍散赤，囡仔有通入學讀冊 就足無簡單--矣！三不五時欠席猶算足平常的代誌，無張持來停學，嘛毋是啥乜（mih） 稀罕的代誌。 阮兜有六个囡仔，阮tòo-sàng 是公務員，厝--裡的穡頭大部份攏阮阿母咧做，佳哉， 阮阿母對人誠好，足得庄--裡人疼，庄--裡的人若欲納稅抑（iah）是欲共政府陳情， 抑是政府補助散赤戶分麵粉佮救濟金，攏拜託阮tòo-sàng處理，因為伊佇庄役（iah̍） 場食頭路，連隔壁庄社的人嘛攏對阮序大誠尊重。佇學校讀冊，我嘛感受會著老師對 我「關愛的眼神」，出外拄著無熟似 的人問起，若知影「伊是某某人的囝（kiánn）」， 我攏會感受著對方對我的尊重，我想，一定是阮爸仔母做人足成功才會得--著的致蔭 （tì-ìm）。 佇我的印象，細漢的時，阮兜若咧播稻仔、挲草、割稻仔、種番藷、摒番藷、挖塗豆、 烏麻仔……等等穡頭，兩、三分地的大片園，一--來需要足濟跤 手，二--來阮 tòo-sàng （爸爸）駛犁踏耙較袂曉，作穡（tsoh-sit）較外行，這个時陣，厝邊頭尾自動會倚來 鬥跤手，彼个年代，庄跤人情味有夠厚，攏免倩（tshiànn）工，跤數就便便，極加是 中晝請人食一下仔 點心，抑是暗時請鬥相共--的食一頓飯爾爾（niā-x）。 彼當陣，雖然我才讀國小，毋閣我嘛摻（tsham）大人做夥落田，做一寡仔輕可空課， 像播田的時鬥搬秧仔（ng-á）；稻仔園落涵 （âm） 空摻大人去鬥造「燕仔岫（siū）」 （用塗糜共涵空圍圓箍仔，水較袂流--去，嘛較袂愈大空）；割稻仔的時，抾（khioh） 第 1 頁，共 45 頁 稻穗、鬥縛稻草；挖（oó）塗豆的時，先用細枝竹篙共露水拌挕捒（puānn-hìnn-sak）， 才一个人分幾簇，比賽看啥先挖了，挖好的塗豆鋪齊齊予（hōo）日頭曝半點鐘，等 塗齊落（tsiâu-lak），才閣看啥人捻（ liàm） 塗豆捻較緊，用大枝雨傘弓kíng）--開， 縛佇芊（tshiám）擔尾彼頭，另外一頭插落塗底，雨傘下跤兩、三个人一組圍佇米籮 （luâ）邊，看啥人較猛（mé）。（約860字） 第 2 頁，共 45 頁 011 細漢的時陣 //劉秀珠（04/07thk改寫） 會記得細漢的時陣，若拄（tú）著歇（hioh）睏日，阮兄妹仔定定（tiānn-x）相招做 夥轉去阿媽兜tshit-迌。阮阿媽家己一个tuà 佇（tī）庄跤，逐（tak̍）擺看阮轉--攏真 歡喜，攢（tshuân）真濟物件予（hōo）阮食。厝邊毋是親情就是親堂仔，有真濟囡 仔伴，會使講，去阿媽兜有食閣有掠。 阮阿媽兜種誠濟果子，有釋迦、蓮霧、龍眼、葡萄、那茇仔，四邊閣（koh）種燈仔 花做籬笆，埕尾種一篰（phō）竹仔，雞母tshuā雞仔囝（kiánn）佇竹仔跤啄粟（tshik） 仔，一寡查poo囡仔誠孽（giat̍），刁工揭（giah̍）掃帚共雞仔趕來趕去，予規陣雞仔 沿路嘓嘓（ko̍k-x）叫，沿路走、沿路飛，實在真心適。 門口埕東爿（pîng）有兩欉蓮霧，逐年攏生真厚，蓮霧若大出，親情五十大細漢齊（tsiâu） 振動，大漢--的負責挽（bán），細漢囡仔捾（kuānn）鉛桶承（sîn）。較低就夯（giâ） 椅頭仔架跤（khuè kha），較懸（kuân）--的挽袂著，就用竹篙托（thuh），抑是用 絞（ká）--的。有tang 時仔無托著蓮霧，煞托著烏趖趖的刺毛蟲，跤手慢鈍閃無離-- 的，予刺毛蟲落踮身軀，連鞭就癢（tsiūnn） kah擋袂牢（tòng bē tiâu）。毋閣蓮霧 真甜、真好食，逐个毋驚死閣繼續挽。 阿媽兜頭前有一條溪仔，溪岸有一寡石頭。熱--人的時，細漢囡仔穿短褲節仔（tsat-á）， 佇水較淺的所在掠魚、撈（hôo）蝦仔佮摸蚋仔，定定耍（sńg）kah規身軀澹漉漉 （tâm-lok-x），正港是「一兼二顧，摸蚋仔兼洗褲」。較 大漢的初中生、高中生， 就划竹棑仔耍，有的規氣褪衫比賽泅水，有的會藏水沬（bī），有的頭浮佇水面做狗 仔泅，雄雄若有水蛇bùn--出來，逐个就走kah-pué 尾溜。另外一爿（pîng）有幾个查 某人正手揭（giah̍）一枝柴棍仔，倒手捾一籠衫仔褲，各人揀（kíng）一塊大石頭， 那洗衫那開講。溪仔頂懸（kuân）有一板（pán）橋，倚（uá）橋邊遐（hia）踏水車， 查poo--的較有力，輪流踏水車。 阮阿媽兜門口埕真闊，稻仔若收了，厝邊頭尾攏來借大埕曝粟（phak̍-tshik），逐（tak̍） 个那曝粟那講笑詼；那趕粟鳥仔那注意天氣的變化，看天烏陰咧欲落雨，逐个趕緊共 粟仔掃規堆，用布袋貯--起來，逐个鬥相共扛入去厝內，若無，拄著西北雨淋澹（tâm） --去就害liú-liú--啦。 有一擺，遐鬧熱，我放學了後，中晝頓食飽，共阿母討五角銀，家己一个先去縣政府 頭前的車牌仔跤等車。等一搭久仔車就來--矣，逐个攏上車了後，車就駛振動--囉，車 掌開始隨个仔隨个收車錢。著我的時，我就共五角銀lu予--伊，彼 个車掌小姐目睭 lio̍h-- 一下就講：「囡仔！欠5角。」我毋相信：「莫騙--我，頂禮拜才坐--過咧！」伊講： 「無騙--你，今仔日開始起價。」聽了後，規个人攏憨（gāng）--去。逐擺去阿媽兜， 第 1 頁，共 45 頁 轉--來的車錢攏是阿媽予--我的，身軀無半sián 錢，欲按怎？徛佇我後壁，一个揹冊包 的學生看我憨憨（gāng-x） 就欲替我出。坐差不多10外分--矣，看著路邊的水壩（pà）， 較緊共司機講欲落車。落車了後，tshuē近路行細條田岸仔路，行到阿媽兜，猶誠早-- 咧，工人才咧搭戲棚 niâ。我行入去灶跤，阿媽當咧無閒，叫我貯一碗米篩目食。米 篩目食了，無代誌做，我就四界耍（sńg）、四界趖（sô）。（约860字） 第 2 頁，共 45 頁 012 水牛佮白鴒鷥 //甘露 （04/07thk改寫） 有一隻白鴒鷥，對（ùi）足遠足遠的所在飛來到咱台灣。這逝（tsuā）路伊飛過闊莾 莾的海洋、飛過青菱菱的島嶼，佇刺疫（tshiah-iah̍）的日頭跤，伊看著白色的湧崙仔， 一崙一崙（lun）拍佇百外尺的石頭邊，海湧的聲伴伊飛過若（ná） 像欲去太平洋冒 險的龜山島。就按呢，伊毋甘歇（hioh）睏，一直飛、一直飛。 「就欲到位--矣！就欲到位--矣！規半冬無看--見的老朋友，毋知tsit-má好--無？」白 鴒鷥那飛心內那咧想：「哇! 今年遮（tsia）的水比往（íng）年較濟，嘛比頂年較清 氣，我轉--來矣！我轉--來矣！」 白鴒鷥又閣轉來到伊懷念的故鄉。 「Hmh，頭前有一窟水，緊飛來共身軀洗洗咧。」白鴒鷥是真愛清氣的鳥仔，便若有 閒（îng），伊攏佇水邊洗身軀。 「這幾冬遮的自然環境那來那好--矣，涼涼的風--裡有芳芳的草仔味，靜靜的水--裡有 爍（sih）咧爍咧的魚鱗（lân）光，按呢才是生湠的好所在啦。」白鴒鷥那洗身軀那 掠魚仔食，閣那呵咾（o-ló）這个所在。 「有夠好食--的啦！有夠好食--的啦！這逝路.路頭真遠，飛來遮，講實在--的，是有較 忝頭--淡薄仔，毋閣誠價值。Hmh，頭前有一隻豆仔魚，算好運，我都食飽--矣，毋閣， heh~heh~，共你創治--一下。」 豆仔魚看著白鴒鷥，頭斡（uat）咧，衝衝磅磅（tshóng-x-pōng-x） 那泅水那跳水， 想袂到無拄好，煞跳入去佇水池仔咧浸水的水牛鼻孔內底。 盹龜（tuh-ku）的水牛予豆仔魚拍精神：「哈啾！哈啾！當咧好睏，是佗一 箍（khoo） 青仔欉烏白挵（lòng）、烏白泅，來佇我鼻孔內硞硞鑽（kho̍k-x-tsǹg）？」 白鴒鷥：「水牛兄，水牛兄，真久無看--見矣，你最近kám好？是我佮豆仔魚咧耍， 失禮啦，共你吵--著。」 水牛：「是白鴒鷥噢！你tang時轉--來的？足想--你呢。這暫仔好是好啦，毋閣無你來 鬥清身軀，規身軀足癢（tshiūnn）--的咧。」 水牛話都講猶未煞，白鴒鷥隨飛起去水牛尻脊骿（kha-tsiah-phiann）頂仔，替水牛清 身軀。 水牛：「Bok! Bok! 規身軀誠輕鬆，白鴒鷥，猶是你上知影我佗位仔癢，老朋友就是 老朋友啦。」 「到今你才知！水牛仔兄，你有較好--矣hōnn？我來去走--矣。」 水牛：「小等--咧啦！我有話欲共你講。」 「天欲暗矣，我欲緊來去看我的岫（siū）猶有佇--咧無，有啥乜（mih）話明仔載才 閣講--啦 。」白鴒鷥又閣袂等咧水牛話講煞，phiú--一下，隨飛kah無看見影。 「伊的個性一屑仔都無變。噯！最近有一个歹心的人，用二、三十尺的網仔咧張（ tng） 鳥仔，白鴒鷥毋知會去拄（tú）著危險--袂」（約750字） 第 1 頁，共 45 頁 013 故鄉的tap̍-tap̍-tih-tih //A-lâm （04/07thk改寫） 擔菜去九份仔賣阿爸講伊十三、四歲的時陣，著愛踮（tiàm）厝 --裡鬥做空課 （khang-khuè）），逐（tak̍）工攏有穡（sit）頭通做，一日到暗無閒tshih-tshih，若 （ná）準做袂煞仝款；上捷做--的代誌是去園--裡種菜佮賣菜。 熱--人種匏仔、菜瓜、刺瓜仔、苦瓜；寒--人種菜頭、刈菜、芹菜、蒜仔；擔肥、沃水、 掘菜股是逐工愛做的空課（khang-khuè），啊若菜大到會使挽，著愛擔出去九份仔、 金瓜石賣才是一項大工事。 攢（tshuân） 欲去的進前一工，著愛先去厝邊頭尾招賣菜伴，看講有人拄好欲同齊-- 無；若有超過三个人，就約隔工透早見面做陣欲去賣菜的時間佮地點。這工的欲晝仔， 著愛先剾菜縛hoo一把一把，攢（tshûn）照路的爌（hông）火，逐項攏變好勢了後， 就早早peh去眠床頂睏。差不多是半暝兩點半起床，凊釆食一點仔物件止饑，大概三 點的時陣擔菜到相等（sio-tán）的所在，等所有的賣菜伴總到才做一夥起程。 對（uì）番仔坑過牡丹坑是平路猶誠（tsiânn）好行，燦光寮坑盤過菜刀崙（lūn）， 是peh嶺的山路上忝，過崙頂行到金瓜石是落嶺就較快活--矣。若莫歹天落雨，經過四 點鐘久，大概是七點就到位；較大漢做tshuā頭的人，會去菜市仔佔著較好位。菜一睏 仔久就賣煞，毋閣伊會來共較細漢、較慢行到位的囡仔鬥（tàu）賣，等到逐（tak̍） 个總賣完，差不多是八點的時陣，著愛隨收擔起程，趕路轉來到番仔坑已經是過晝-- 矣。 一擔菜三、四十斤，盤山過嶺擔kah欲歪腰，忝（thiám） kah強欲死--去，一逝（tsuā） 往回行八點鐘的所得，總交阿公的錢是兩、三角爾爾（niā-x），彼陣一斤豬肉是2角， 上濟是買斤半，按呢咱就知影日本時代一般人無地（tè）趁錢，生活有偌仔艱難，確 實毋是這久的人有法度想--著的代誌。 抾竹箬（hah̍） 咱攏知影，清明的前後，是桂竹仔的新筍躘（liòng）出塗面的時陣，拄才離塗（thôo） 兩、三工內，若挽來炒三層仔肉，是逐个攏呵咾（o-ló）有著的好料理；毋閣筍仔袂 使逐枝挽，加減愛留一寡仔新欉來湠（thuànn），若無，會斷種。竹筍的新穎（ínn） 離塗差不多是15工，就有兩身人遐懸（hiah-kuân）矣，沿路躘（liòng）、新箬（hah̍） 沿路lut。春天的桂竹仔林跤，有食閣有掠，毋是筍就是箬，總提去賣，兩項攏有錢通 趁。 自然lut 的桂竹仔箬，會使做笠仔，好天時仔去竹林跤隨片仔抾，莫（mài）拍澹（tâm） --去，免閣加工--過，kan-na縛hoo一把一把，就有人來庄跤收，搰力去抾（khioh） 的 第 1 頁，共 45 頁 人就有錢趁。阿母講伊做查某囡仔時代，定定去抾轉來賣，雖罔無偌濟錢，毋閣會當 共厝--裡鬥趁錢，嘛是另外一種的有孝。（約800字） 第 2 頁，共 45 頁 014 lā-pue佮虱目仔 //甘露（04/07thk改寫） 日頭又欲沉落海--矣,一隻lā-pue徛（khiā）佇海茄苳頂面向（ǹg）海，伊烏烏長長閣 扁扁的喙（tshuì），予（hōo）欲落海的日頭光染做烏tòo紅仔烏tòo紅。這个時陣， 有一陣北風對（ùi） 北爿（pîng） 吹--來，共lā-pue頭殼頂長長的鳥仔毛搧（siàn） kah 缺一爿（khih~pîng），毋閣這隻lā-pue一屑仔都毋驚寒，目睭仝款掠日頭金金 相。 「5秒、4秒、3秒、2秒、1秒，沉--落去，今仔日這擺是上尾一擺佇遮（tsia）算秒-- 矣，明仔載就欲上北轉去北方--矣，毋知十--月我閣轉--來的時陣, 遮的自然環境會變做 按怎。毋閣我會當（tàng）確定，時--到日頭光仝款會共我的喙染做我上佮意的烏tòo 紅。」lā-pue那相日頭，喙--裡那咧唸，講煞，隨對魚塭（ùn）仔遐（hia）飛--去。 「È-î，下跤彼窟魚塭仔有飼虱目仔，mh！頭拄仔才咧練飛，飛kah腹肚足枵 （iau） --的，來抽兩尾仔好料--的，明仔載毋才有氣力飛轉去北爿。」lā-pue對天頂飛--落來 的時陣，看著水池仔內發生一件誠心適的代誌。 虱目仔：「He~he~，叫我第一名！叫我第一名！」原來是一隻生做無kah偌大隻的 虱目仔，搶佇（tī）魚陣的上頭前咧泅（siû）來泅去。 lā-pue：「第一名？hngh!你愛出頭做第一，好！我欲食嘛共你食第一！」講煞，隨共 （kā）虱目仔 ùi 水--裡啄（tok）--起來。 虱目仔：「Aih--iah…aih--iah，緊共我我放--轉去啦，共我放--轉去啦, 老五--的！」 lā-pue捎無tsáng：「老五--的？你是咧叫啥? 啥是老五--的？」 「就是你啊！你就是老五--的啦!」虱目仔緊應話。 lā-pue：「莫烏白講！欲死--矣閣無正經！」 「啥乜（mih）咧無正經！我叫你老五--的，當然有道理啊，這幾工你佮恁彼陣lā-pue （lā-pue）朋友練飛的時陣，你攏綴（tuè）佇第四隻後壁，我佇水--裡斟酌看真久-- 矣，袂看毋著--啦! 老五--ê，老五--ê，嘻~嘻~，無膽--的才做老五--的…」虱目仔用話 共lā-pue激，想講看有機會會當旋（suan）--去無。 lā-pue（lā-pue）中計，氣怫怫：「好！予你看kah遮無夠重，今仔 日先饒你一命，明 仔載我飛第一予你看。」lā-pue講煞，喙開--開，共虱目仔放轉去水--裡， 氣掣掣 （tshuah-x）就飛走。 第 1 頁，共 45 頁 隔轉工透早。 lā-pue：「Heh~heh~，叫我第一名！叫我第一名！臭虱目仔，你有看--著無？我飛第 一--矣！」 lā-pue陣（tīn）：「頭前--ê，你咧創啥--啦?北爿毋飛，飛去魚塭仔，你有tshuā毋著 路--無？」 lā-pue：「失禮…失禮…」 lā-pue陣：「eh！頭前--的，昨昏練習你ká-ná 是排佇後壁--的hōnn？」 lā-pue：「我昨昏排第五，今仔日拄升級做…做…做第一--啦!」 （約800字） 第 2 頁，共 45 頁 015 收費員的心情 //施麗香（04/07thk改寫） 寒天的天色，真緊就暗。才五、六點爾爾（niā-x），路--裡就暗眠摸--矣。心內有淡薄 仔急，翁婿佮囡仔攏咧等我煮暗頓予（hōo）食。 趕緊三步做兩步行，樓梯三層做兩層peh。雖然欣羨遐（hia）的婦人人（hū-jîn-lâng） 這時就會當穿媠媠（suí-x）陪伴伊的翁婿佮囡仔佇文化中心咧散步，毋閣若想著明仔 載是禮拜日，就欲佮厝--裡的人出去郊遊，心情就輕鬆--起來。 當年為著欲照顧囡仔，才來辭職，離開社會規十年，tsit-má欲閣重新出發，心內有一 點仔驚惶（hiânn），拄好朋友咧做第四台的收費員，招我相佮 （sann-kap） 做，雖 然這號空課（khang-khuè）毋是我所佮意--的，毋閣時間自由閣毋免動腦筋。對我這 个愛無閒家事又閣愛無閒囡仔的查某人，是比較khah 適合。抱著試看覓（māi）--咧 的心情來接受這份空課（khang-khuè）。時間過得真緊，一下huánn嘛做五年--矣。 服務性的空課（khang-khuè），予客戶嫌閣唸，是真平常的代誌，有時若較歹運拄著 客戶「斷線」，股票閣輸的時，所有的怨氣攏出佇收費員的身--上，彼種態度實在予 人真歹去面對，閣較歹忍受--的是當伊受氣後閣向我道歉講「歹勢--啦，其實我是咧怪 恁公司，你嘛是食人的頭路，真辛苦。」聽到遮（tsia），心頭一下酸，強強欲目屎 含目墘，毋閣親像這號人，後日若閣遇--著，攏真客氣。 「一樣米飼百樣人」，有的 客戶看著收費員，就變一个面色，有的人是笑咪咪付錢閣 共我說多謝。日本人就有這種有禮貌的優良傳統。有的人因為無方便，予我加走一逝 （tsuā） 就感覺真歹勢，嘛有人予我走幾若遍koh毋納錢。幾若擺想無愛做，毋閣若 想著囡仔當需要栽培，我又閣提起勇氣佮耐心。囡仔的成績一直攏真優秀，我向望伊 將來會當有較好的能力，去做較濟有意義的代誌，這是阮翁仔某一生的願望。 收費員嘛有快樂的一面，有的客戶共（kā）我當做是朋友，請我坐，閣佮我開講，若 講著政治，就講袂煞，尤其是知影互相攏有台灣心。Uah！若像拄著老朋友遐呢親切， 這是我上歡喜--的。 每一種行業攏是學問，攏 有伊的快樂佮辛苦，共伊當做是一種學習佮磨練。抱著這款 的心情去做，我才會通繼續做--落去。 （約700字） 第 1 頁，共 45 頁 016 剃頭師父 //鄭芳芳（04/07thk改寫） 今仔日剃頭仔師父已經行過去第3 擺矣！當然，tuà咧附近的人，一工行過幾若擺攏是 正常--的，毋閣剃頭師父今仔日怪奇的所在是伊逐（tak̍）擺行--過的時陣，攏越（uat̍） 頭共阮相--一 下。 「媽，剃頭仔哪會遮奇怪，行過去幾若擺矣，閣逐擺攏共咱看--一下。」 「今（tann）伊最近定定按呢，毋知欲創啥？」媽媽咧整理指甲油，照色水pîn 頭排 kah較整齊--咧，按呢欲擦的時陣，才知佗一色佇佗位。自細漢媽媽就足討厭阮耍（sńg） 伊的指甲油，一方面驚阮挵（lòng）破，一 方面就是無愛阮 hiau。我佮阮妹妹差3 歲， 往早阮媽媽攏會講阮一个壓霸，一 个gâu賤。免臆--矣啦，我是壓霸的彼个，毋閣我 嘛是真愛賤指甲油。細漢的時陣人矮，平常時仔提袂著，等若人客欲來擦，媽媽才會 共規盤的指甲油捧（phâng）--落來，毋閣猶是驚予（hōo）人罵，kan-tann 敢倚--過 去小可仔抐（lā）--一下，一罐一罐看一个仔色水覓（māi）--咧，毋敢規罐提--起來， 閣較免講拍開拭看覓。 「我kám會使擦--咧？tsit-má咧讀國校5 年的弟弟覆佇媽媽邊--仔看真久--矣。 「也無查poo咧擦這啊」媽媽共指甲油收--起來，款囥佇弟弟提袂著的所在，才講：「弟 弟來，我共你頭毛剃剃咧。」 媽媽學做頭毛當然是學做查某的，按呢就無可能會曉共人剃頭，毋閣最近媽媽買著一 支電動的攄（lu）仔，會使看是欲攄幾分，就換幾分的攄仔頭，看--起來真好用款。 本來是因為前一暫仔查某囡仔流行鉸像查poo的短頭毛，所以後壁愛小攄懸（kuân） --一 下，才去買這支攄仔，其實嘛是會使用鉸的，以前攏嘛是用鉸--的，只是彼陣當 流行，用鉸的傷忝（siunn thiám），材料店閣咧推銷，就買--落來矣，嘛毋知遮（tsiah） 好用。 弟弟坐佇鏡前，我對鏡內底看--出去，攄仔攄的所在，短短的頭毛一簇一簇落--落來， 查poo囡仔頭毛發足緊--的…。剃頭仔師父閣行--來矣，毋閣這擺伊看著阮煞停--落來， 過2 秒鐘以後，伊對阮遮行--過來。 「I-me！」剃頭仔師父叫阮媽媽的名，彼兩字一定是中文無毋著，是媽出外家己號-- 的，毋閣，自細漢阮問伊彼兩字是佗兩字，伊就是足神秘，無愛講，佇台北抑是爸爸 彼爿（pîng）的親情，攏是叫伊「I-me」，佇北港，人就會叫伊阿英。毋閣，阮媽媽 的名嘛毋是阿英，伊身分證頂面的名是號做吳金，彼是報戶口的時陣一个無熟似的人 共阿祖講這个名好，阿祖就信--伊，自按呢號這个名，無，本來是欲叫阿英啦！這三 个名，自細漢我就霧sà-sà，好佳哉，我只要叫媽媽就袂（bē）予人罵--矣！ 第 1 頁，共 45 頁 「I-me，你原來就是有買這款攄仔-噢，我都想講恁阿谷這粒頭剃kah遮呢媠（suí）是 啥人剃--的，以前你毋是攏用鉸（ka）--的？tsit-má就是用剃--的 噢！害我踮遐（hia） 想規晡，逐改行--過攏真好奇，偷偷仔共恁探看覓（māi），今仔日才予我相--著矣！」 師父笑kah喙仔嘻嘻（gi-x），毋知咧歡喜啥，我看弟弟共表情激kah ká-ná 像『小丸 子』仝款，媽媽嘛是笑咪咪。 （約900字） 第 2 頁，共 45 頁 017 歇（hioh）假的時 //闕杏芬（04/07thk改寫） 歇（hioh）假對真濟人來講，ká-ná 是家己身軀頂予（hōo）人縛牢（tiâu）的索仔敨 （tháu--開仝款，是一種敨放（tháu-pàng）。阿德唅其他囡仔相仝，也真愛歇（hioh） 假。 阿德佇歇假的時陣，若搪（tn̄g）著好天，伊會走出去外口佮囡仔伴做夥tshit-迌。有 時，佇空地仔耍覕（bih）尪-niau、騎馬相戰、踢銅管仔、過五關、跳格仔、跳樹奶 索仔，有時仔，佇工地邊仔捎（tshiau） 沙仔，有時嘛會綴（tuè）人去thún人的菜股、 果子園，偷挽芎蕉、桔仔、蓮霧、那茇仔來罔啖sám；抑是佇路邊剾（khau） 鹽酸仔 來sut鹹，挽紅色的蝦仔花，共花葉捻掞捒（liàm tàn sak），賰（tshun）一枝花心， suh伊的甜汁。有tang時仔去溪仔邊掠魚仔，去山頂的埤仔藏水沬（tshàng~bī） ；伊 嘛捌（bat）佮囡仔 鬥陣辦公伙仔，挽一寡野草做菜料，共伊切切tok tok--咧，抾塗跤 的柴phè仔來做碗盤，遏（at）草仔枝做箸，逐（tak̍）个做夥搬食飯的戲。 若是落雨天，一陣囡仔就佇亭仔跤耍尪仔標、一二三柴頭人、青紅燈