谈歌仔戏兮味为语言兮声调讲起

谈歌仔戏兮味为语言兮声调讲起 談歌仔戲兮味—為語言兮聲調講起 p1 曲佇詞內底—以都馬調來講 譬論講都馬調,上古早,道是有一段上合都馬調兮詞佇遐,照迄段歌仔戲兮詞落去作曲,做出都馬調。原本都馬調兮詞,,則產生都馬調兮曲出來。所以,有兮作曲家道講,那(na2)是我咧作曲,he1是作詞家咧作曲矣!知影意思無?是按怎是作詞家咧作曲,伊迄個詞,字數兮配置,三字、四字、五字、六字、七字、八字、九字, 字數兮配置道是節奏啦!詞兮內容真好,感情描寫佮真感動人。字兮配置,讀起來兮時,因為聲調兮組合真 ,所以,,意思道是講, 詞內底。 老歌仔戲演員是珍貴兮—知影歌仔戲兮me5角 曲調是為詞創作出來兮,曲調佇遐存在,但是,後擺佇別齣戲卜用即個曲調,新兮詞無可能佮原本兮詞仝款!有佮曲調無合兮字詞,佇古早兮歌仔戲演員,伊知影歌仔戲是啥麼,所以,伊會曉處理,無仝兮字,bua5緊,伊會照無仝兮字兮聲調,去發展新兮音樂出來。 所以,歌仔戲演員道是愛有吟詩兮能力、作曲兮能力,佇無仝兮字兮部分,創作一小部分兮音樂,按呢,聽起來道佮原本兮都馬調,有一屑仔無仝,道有新兮氣味走出來,歌仔戲兮me5角道是佇遮。 新兮歌仔戲演員袂曉照字兮聲調唱 p2 以字為主,道是以字兮聲調發展出新兮音樂。會曉唱歌仔戲,袂曉唱歌 仔戲,道是看遮。今麼問題道是講,新兮歌仔戲演員,差不多攏袂曉。攏袂曉兮中間,當然有真濟問題。譬論講:伊卜唱都馬調,樂師兮譜攏編好矣!樂師照原來兮都馬調去演奏,唱兮人當然會照演奏去唱,無法度變化新 eh4!兮小部分兮曲調。除非講演員是大角數(kioh4 siau3),大kioh4佮講「:樂師,恁攏tue3我演奏hannh4 。」我兮演詩、吟詩道真大角,我卜吟啥麼調,按怎吟,樂師攏tue3我,因為我兮樂師攏無譜,,有譜,照譜奏,我道無法度遐呢自由矣。歌仔戲有譜,所以,伊道演奏逐家公認兮調,抑是即團公認兮調。即團公認兮調,無一定佮別團公認兮調仝款。上重要兮是,今麼兮歌仔戲演員,無迄個膽量矣。伊迄兮調卜學佮會曉道誠爻矣。 新填兮詞絕對佮原來兮詞無仝款 平平都馬調佇每一齣戲攏有用著,每齣戲兮唱詞絕對無仝款。無法度佮上古早迄個都馬戲班,第一擺唱兮戲詞仝款。都馬班所唱兮詞發展兮都馬調,是上合軀兮!別種戲詞填落去,一定無完全合軀兮嘛,著無!以音樂來講,新填兮詞道是新兮音樂、新兮曲,因為詞兮感情無仝,詞兮聲調無仝。譬論講:吟渭城曲兮第一句是渭城朝雨浥輕塵,汝卜用即個曲調去吟嫦娥兮第一句雲母屏風燭影深,絕對袂合兮嘛!歌仔戲調道是硬卜用好聽兮調來填新詞,當然愛看填詞兮功力。但是,卜填佮本來兮詞,一字仔一字攏仝款,是絕對無可能兮嘛! 西洋兮歌劇每一齣戲攏是新詞、新曲 p3 西洋兮歌劇是每一齣歌劇攏無仝款兮詞,無仝款兮曲,一齣歌劇二、三點鐘,作曲家卜做遐濟首曲,攏真好聽,實在是無簡單,每一曲攏好聽,無siang5卜去聽。好聽閣愛合即個時代,袂使哩做卡早兮曲矣。50年前愛聽兮節奏melody,今嘛來做, 袂使哩啦! 曲調卜好聽無簡單 曲調卜好聽真困難,舉例來講:貝多芬一世人做真濟音樂,真少有好聽兮旋律, 3 3 4 5,5 4 3 2,1 1 2 3,3.2 2–, 3 3 4 5,5 4 3 2,1 1 2 3,2.1 1–, 2 2 3 1,2 34 3 1,2 34 3 2,1 2 5 3, 3 3 4 5,5 4 3 2,1 1 2 3,2.1 1–, 有旋律兮曲,干那即首爾!這是西洋作曲法,四個樂句,即首是A、A?B、A′,咱講起承轉合,起是A承是佮A差不多,干那3?2 2– 改做2? 1 1–,所以是A′,B道是佮A無仝兮樂句,旋律無仝、節奏嘛愛無仝,是轉,合佮A′仝款。旋律嘛真簡單,第一樂句:3 3 4 5是3重複一音,3 4 5是上行,第二小節5 4 3 2是下行音,第三小節1 2 3是上行音,第四小節3? 2 2–佮第二樂句兮第四小節2? 1 1–是模仿爾。所以即首歌,其實講是二句爾,但是,伊是貝多芬一世人上好聽兮旋律。伊佇melody旋律兮創作無遐天才啦!舒伯特兮歌真好聽,melodymelody無遐爻,但是,伊是誠爻兮作曲家,伊兮命運交響曲:3 3 3,1– – –,按呢爾,一個動機 p4 3 3 3,1– – –,,3 2 1拄好三度,伊道發展一個交響曲,! 所以,作曲家完成一塊交響樂曲是講究結構,足好聽足有力!作曲法實在是咧講究迄個結構、和弦、動機兮發展、配器法、音響效果等。 佮無合調兮字,以字兮聲調譜新兮曲唱出來, 接頭前煞後壁 咱今嘛講倒轉來,咱是咧講melody,旋律卜真好聽真困難。道是講歌仔戲 ,會當佮新兮詞發展新兮曲唱出來。佮原本無仝兮詞一字、二字、演員 三字、四字、五字…照即幾字發展新兮曲出來。閣愛接原本兮調,接頭前煞後壁,閣接會好勢,會好聽。這道是me5角,但是,即方面giong7卜失傳去矣!若是自細漢綴戲班兮,伊自然道會曉。因為野台戲無劇本,今麼兮歌仔戲團,有兮是先寫劇本,照劇本講、照劇本演唱歌仔戲調。野台戲是,卜講啥、卜唱啥,詞攏家己填兮,滿腹兮文詞,詞攏佇腹肚底、頭殼內。 袂使哩行西洋式兮音樂,固定譜佇遐 若是編劇兮戲,曲調定型佇遐,譜準備好矣!都馬調、七字仔調…總共有百外種調。調本身大概定型啦!完全定型道會走為(ui3)西洋式兮音樂去,西洋式兮音樂道是講,伊譜,定佇遐,汝袂使改伊兮譜。詞入來兮時,明明詞佮曲調袂合,詞兮字音是上揚音,但是曲調是下墜兮,汝嘛是愛綴曲調佮唱下墜音。歌仔戲汝注意佮聽,有兮字道無照聲調唱。演員本身嘛無咧注意有合聲調抑無啦!唱詞是編劇編好矣,曲嘛固定佇遐。所以,若是感覺字音佮曲調有袂合兮所在,演員可能嘛未赴改。古早兮演員,若 p5 是字是上揚音,曲調是下墜兮,伊會佮改做上揚兮曲調去合字兮聲調,閣改佮真好聽,樂師嘛愛綴伊演奏。 歌仔戲兮精神—予人聽有,照字兮聲調唱,唔是照調唱 歌仔戲兮精神佇遮,這有二點精神:第一點道是講,伊會照新兮字詞兮聲調落去唱,按呢,則有法度傳達唱詞!唱歌、褒歌、歌仔戲…等等,攏是卜逢聽有,這真重要,語言兮美感則會走出來。第二點道是曲調本身kan2那變新兮曲調咧,佇舊兮曲調內面兮熟似、慣習、親切感,閣有一小部份新兮曲調藏佇內底,予人感覺一種surprise、新兮驚喜、新兮體驗,逢感覺真心適閣聽有,歌仔戲上珍貴兮所在佇遮啦!上大兮精神佇遮啦!無仝款兮字處理兮問題,若是袂曉處理, kenn7 kuainn7兮字詞,按呢,即幾字歌仔戲兮創作精神道失落,歌仔戲兮美感、語言兮味嘛無去,即幾字真重要,雖然講大部份兮字是有合字兮聲調,但是,應該是每一字攏愛合聲調才會使哩。當然,歌仔戲編劇兮人,佇即齣戲內底即兮所在,卜落啥麼調,迄兮所在落卜啥麼調,調本身伊會選,選即個調卡合劇情兮需要。 歌仔戲兮味卜走出來—請捌歌仔戲兮作曲家來鬥跤手 吟詩除了聲調兮音樂性以外,另外閣卡重要兮是感情兮問題,佇吟詩兮曲調內面,卜表達詩兮感情,表達吟詩者對詩瞭解、體會兮感情。選啥麼歌仔調,嘛是有牽涉著感情、氣氛兮問題,則會合戲兮進行佮詞本身兮感情。調選好,新填兮詞,一定有幾字仔佮原來兮調袂合兮所在,這卜啥麼人來解決呢?若是演員卜來解決,重新佮袂合兮字譜新曲了後,唱法無仝,樂團兮譜道愛改。所以,事先愛請作曲家來處理,這是一個小寡仔大工程。 P6 若是無改,抑是講無人注意即個問題,自按呢唱落去,橫直觀眾嘛聽無矣。按呢,字詞兮傳達道袂準,袂準道失去歌仔戲兮味,無味是卜按怎聽咧。歌仔戲兮草根性嘛失去。講草根性其實是歌仔戲藝術兮成份之一。本ciann5歌仔戲道是佇舞台le2搬戲,台跤看戲兮人攏聽有,道是歌仔戲藝術上峘兮境界之一。 語言兮結構,頻率現象佮美感 舉一個例:平劇是以湖廣韻兮地方語言發展兮戲曲,尾仔去北京表演,透 濫一屑屑仔北京語,但是,汝若以台北兮北京語(華語)去唱,道無人 卜聽平劇矣!原因道是語言唔對,聽平劇兮人會講:〝唱得沒味兒〞即 個〝味兒〞道是語言,戲曲內面,有說中帶唱、唱中帶說,半說半唱、 亦說亦唱,則有法度表達語言兮結構佮語言兮美感。語言兮結構,簡 單講,譬論講:水滾兮滾是下墜音,伊是真濟音鬥做伙,為峘兮音落來, 落來兮中間實在有真濟音,但是音樂是十二平均律,是有一定兮頻 率,do re mi fa so la si攏有固定兮頻率,所以,無論吟詩、民謠、褒歌、 戲曲,一定有無法度用譜記佮真準兮字音。因為,基本上,語言兮頻率 現象,頻率組織佮音樂是無仝款兮。南管嘛是仝款,南管真好聽,會凍 調和咱兮五臟六腑,南管兮唱詞,嘛是以一、二百年前兮泉州腔去譜 曲兮,汝若是用台灣話、台語去唱,包準汝唱了無味無素,這是語言兮 重要性。有味無味,道是看汝有掌握語言兮頻率抑是無。何況,汝佮 (ka7)語言兮聲調唱顛倒反(ping3)去,明明是上揚音兮字,汝佮唱下 墜兮音樂。也是講即字是平聲第一聲,汝佮唱下墜兮音樂。 p7 按呢,語言聲調兮表達完全錯誤,卜按怎產生語言兮味呢?歌仔戲兮 味無去,道歹聽囉!