志雲語錄

Stephen Chan’s quotation1： 人言之所以可畏，好可能系由於我哋太過著意人哋點睇自己！他人對自己善意既批評，即等於doi D錢入我哋既袋，但系惡意既中傷，我哋又應該點樣去對待呐？如果容易動氣既話，咁咪即系等於中左人哋既奸計！@陈法蓉（待续。。。） 同Monica傾完偈之後，俾左我好多反思：作為一個局外人我哋對於其他人既事，應該要慎言，唔好惘語；但作為一個局內人，當我哋面對一D無理指責既時候，應該儘量要以平常心去看待，希望我哋每一個人都能夠過住平和，愉快又健康既生活！@陈法蓉 Stephen Chan’s quotation2： 系心姐既人生裏邊，都經 過風浪！同佢傾談既對話裏邊，佢有一段游水的經歷俾我好深刻的印象，即系當一個浪頭打埋黎的時候，只要我地保持鎮定，唔好驚，唔好同個浪對著幹，浪頭過左之後，又系一片新的天地，保持信念，勇往直前，始終能夠到達彼岸！ Stephen Chan’s quotation3： 道德，究竟系用黎提升自己行為既一把尺，抑或系用黎鞭撻人哋既一種利器呐？ 一個二十幾歲既女仔，由無到有，再由有變到差唔多近乎乜嘢都無，呢個系一個好跌宕（激蕩）既經歷。選擇面對，其實系需要好大既勇氣既，如果電視機前既你，都遇到好大既困難既話，希望大家能夠拎住同一份既勇氣，積極面對，我深信，天系唔絕人既路既！@阿嬌gillian 來說是非者，便是是非人。周邊既人搬弄幾多是非，我哋控制唔到。但我哋能夠掌控到既呢，即系我哋自己！如果我哋能夠坦白同我哋既朋友溝通一下，將呢D是非拎曬出黎講，可能我哋就唔會有咁多誤會，每一個人都需要朋友既支援，希望我哋大家都能夠搵到真正既朋友！@蔡卓妍@阿嬌gillian Stephen Chan’s quotation4： King sir既經歷又再一次證明俾我哋睇，其實尋找工作最重要既即系搵一份你真系好喜愛既工去打。咁點樣先至知道自己中唔中意呢份工呐？如果你一早起身，已經諗住：我又可以返工啦！即系話，你選擇對了，如果錯既話，快D好再思考過了。@钟景辉 Stephen Chan’s quotation5： 系咁多句laughing gor既金句裏邊，謝天華最中意既即系：個天俾你上，你先至好行；個天唔俾你上，你鬱都唔好鬱！聽落去好似好被動，甚至好消極，但系諗真D，又唔系完全系啵。其實，另一個角度黎睇，即系話叫我哋做人唔太過強求，最緊要系隨遇而安，咁樣並唔代 表 关于同志近三年现实表现材料材料类招标技术评分表图表与交易pdf视力表打印pdf用图表说话 pdf 我哋唔要積極行事，相反黎講，環境唔許可既時候，我哋自己應該更加好好去儲備好自己，當有機會既時候呢，就要把握佢喇！@谢天华 Stephen Chan’s quotation6： 大部分成功人士都曾經經歷過失敗，吳宇森大導演亦都唔例外，系佢既經歷裏邊，我哋得到個啟示：即系當我哋失敗既時候，千祈唔放棄自己既理念，一定要堅持落去。咁當然，朋友既支持都好緊要既，你既身邊有冇D需要你支援既朋友呐？有既話快D伸出援手，因為他日我哋都可能需要人哋既支援既！@吴宇森 Stephen Chan’s quotation7： 同蔡瀾先生共進飯局，閒話家常，真系人生一大樂事！最大既得著即系學識：原來玩都可以好有學問既，如果要帶住認真既態度去過玩樂既人生，學問就更加高深了。能夠積極帶住笑容去面對死亡，更加談何容易呐 @蔡瀾 @蔡瀾微博知己會 Stephen Chan’s quotation8： 為人樂觀冇閉翳，系越困難既環境之中成長，人會變得越堅強，呢個似乎系黃百鳴既人生道理，呢D道理，唔單止令佢事業有成，亦都令到佢患左絕症既太太得以康復，你可能會覺得，呢D道理知易行難，不過既然有人做到，當我哋遇到困難既時候，點解唔學習下呢，或者有奇跡等待出現呢 @黄百鸣 Stephen Chan’s quotation9： 阿mark有個好特別既性格，即系當佢好中意一樣野既時候佢會盡情投入咁去做，譬如買衫咁解，佢會全個系列，唔同既顏色，全部據為己有，我唔系系呢度鼓勵消費主義，不過呢一種其實系一個生活態度，所謂帶住熱情黎過你既生活，passion，我希望電視機前既每一位觀眾都能夠帶住熱切、熱情、熱愛既態度，過大家既每一分每一秒，live with passion ，你的生活自然會變得多姿多彩！@雷颂德 Stephen Chan’s quotation4： 家輝話俾我聽佢系一個幾悲觀甚至系消極既人，不過佢好幸運，因為圍繞住佢既都系一D好積極樂觀既人，呢個當然系包括對佢影響至深既大家姐，同埋佢既另一半關詠荷，如果我哋能夠成為正能量，為別人既生活帶來積極同樂觀既話，呢個對我哋來講系一個莫大既福分 @张家辉 Stephen Chan’s quotation4： 如果系呢一刻，你系工作上便覺得停滯不前，甚至系前路茫茫，千祈唔替佢憂心，因為人生真系有時好似一篇樂章咁，系會有佢既休止符號葛，休止符號即系片刻既停頓，唔系永久既停頓。我哋可以把握呢個機會好好檢視一下自己既前路應該點樣行？ 系愛情上便，好可能，愛情真系唔對同埋錯，只有真同埋假，如果你搵到自己另外一半既話，千祈要好好去珍惜佢，包容佢，大家互相既信任先至能夠令呢一段愛情保持的恒久而新鮮！希望每一位朋友，系工作同埋愛情兩方便都能夠得意！@蘇施黃 Stephen Chan’s quotation4： 上山容易，落山難。要登上梯級，固然需要好大既氣力，但系由高處走下，你需要既勇氣就更加大了。如果今日你身處高峰既話，我恭喜你！不過始終有一日都要向下走，點樣可以從容面對呢個處境，系需要好大既學問。但更加重要既即系周圍既人對你既關懷，如果今日你有能力去關懷人哋既話，不妨慷慨一點，因為他日我哋都好可能需要人哋既關懷。惠英紅，有一個理念我非常至認同：如果你好深愛你周圍既人葛話，把握機會，而家就話俾佢聽，你好愛佢哋，因為你唔知道下一分鐘你再有冇能力去咁樣做？你做咗未呢？如果未既話？不如而家一齊去做喇 @惠英紅 Stephen Chan’s quotation4： 犯錯可以系一秒既事，但系認錯真系需要無比大既勇氣，曹格曾經做過好多令佢自己後悔既事，作為歌王既曹格，為咗建立自己一個正面既形象，佢大可以唔舊事重提，但系佢冇選擇咁樣做，反而系坦誠咁面對自己既錯。今日既社會充斥住好多批評既聲音，但系曹格既歷經話俾我哋知：一層唔一定要百彩 佢既愛人佢既親人佢既家人佢既工作夥伴同佢既歌迷俾番佢好多失去咗既自信心、尊嚴、肯定同埋存在價值。亦都因為呢D鼓勵令佢走出一個又一個黑暗既時期，其實系我哋側跟有好多人同埋事都系值得我哋讚美既 點解我哋唔學習多D既接納同包容，發放更多既正能量，令到我哋既社會更加和諧 Stephen Chan’s quotation4： 學業固然重要，但系學業唔系唯一亦都唔一定系最重要既！劉偉強導演會考既時候摞到八個H，但今日佢做導演既成就系有目共睹既，當中成功既原因可能有好多，不過其中一個我認為最重要既即系佢好知道自己既興趣系邊同埋目標系邊，佢自小好喜愛攝影，而佢既目標即系系電影界做導演創一番事業，電視機前既你，如果你都有夢想既話，快點行動，將佢變成理想，再將佢變成現實，只要你知道自己想做乜嘢，努力去做，你一定可以達到你既目標既 @劉偉強 Stephen Chan’s quotation: 唔同既人會對我哋有唔同既期望,要活出自己既人生,一D都唔簡單！要無比既勇氣同埋堅持.如果我哋既朋友需要我哋既支援既話,我哋好應該幫下佢哋,因為系我哋唔同既人生階段裏便,可能我哋都好需要人哋既扶持!你系咪過緊一個屬於你自己真正既人生呢?如果唔系既話,你準備好做出呢個改變未呢!@黎耀祥